Kalaallit Nunaanni sulisilluni ajoqusersinnaanermut isumannaarineq
pillugu inatsit malillugu allaffissornermi 1. januar 2026-miit akigititat
pillugit nalunaarut
Kalaallit Nunaanni sulisilluni ajoqusersinnaanermut isumannaarineq pillugu inatsimmi § 64, imm. 4,
aamma § 74, imm. 2 malillugit, tak. inatsimmut nalunaarut nr. 75, 16. januar 2017-imeersoq,
Arbejdsmarkedets Erhvervssikringip siulersuisa innersuussuteqarnerisigut aamma social- aamma
boligsministeri isumaqatigiinniaqatigereerlugu aalajangersarneqarpoq:
Arbejdsmarkedets Erhvervssikringip aamma Ankestyrelsenip allaffissornermut akigititai Kalaallit
Nunaanni sulisilluni ajoqusersinnaanermut isumannaarineq pillugu inatsimmi ilaatinneqartut
§ 1.
Kalaallit Nunaanni sulisilluni ajoqusersinnaanermut isumannaarineq pillugu inatsimmi aamma
siusinnerusukkut peqqussutini ilaatinneqartunut Arbejdsmarkedets Erhvervssikringip allaffissor-
nermut suliaanut akiliutit, aamma sillimmasiisarfinnut imaluunniit Arbejdsmarkedets Erhvervs-
sikringimut tunngassuteqartut, tak. inatsimmi § 64, tulliuttut malippaat:
1)
2)
Ajoqusernernut:11.731 kr.-it
Inuussutissarsiornermi nappaatinut: 5.830 kr.-it
Imm. 2.
Imm. 1-imi taaneqartut akigititat taaneqartut sulianut nalunaarutigineqartunut nutaanut
aamma misissuinernut aamma suliareqqitassanngortitsinernut akiliutigineqartarput.
§ 2.
Ankestyrelsenip allaffissornikkut suliaanut 1. januar 2026 imaluunniit kingusinnerusukkut
aallartitamut ataatsimut 10.700 kr.-nik akiliuteqartoqassaaq. Ankestyrelseni aalajangiisoqarneratigut
suliamik immikkoortumik aallartitsissaaq.
Kalaallit Nunaanni sulisilluni ajoqusersinnaanermut isumannaarineq pillugu inatsimmi § 74
aamma Kalaallit Nunaanni taarsiiviginninnissamut akisussaaneq pillugu inatsisip atuutilernissaa
pillugu peqqussummi nr. 796, 1. oktober 1993-imeersumi § 10 malillugit oqaaseqaatinut akiliutit,
tak. nalunaarut nr. 1078, 11. september 2015-imeersoq
§ 3.
Inatsimmi § 74 malillugu oqaaseqaatinut akiliutit tulliuttut malippaat:
1)
2)
Sulisinnajunnaarneq pillugu oqaaseqaatinut: 26.378 kr-it.
Oqaaseqaatit allat: 10.113 kr.-it
Imm. 2.
Imm. 1, nr. 1-imi akiliutissatut taaneqartoq aamma immikkut ittumik oqaaseqaammut
atorneqassaaq, piffissarititaasut sulianut taaneqartunut pisut uppernarsaataat utaqqiisaagallartumik
naliliinissamut atorneqarsinnaaneranut tunngatillugu imaluunniit ajoqusersimasup siunissami inuus-